ЎЎЎ Захарынія Сьвінтух. Матухна Марыя Папова з Полацаку ў Якутыі. Койданава. "Кальвіна". 2019.

    Марыя Іванаўна Папова родам з беларускага места Полацак. Падчас вайны яна пазнаёмілася з Мікалаем Гаўрылавічам Паповым, а ў 1949 г. прыехала з ім на яго радзіму у Якуцкую АССР.

    Землякі мужа пакахалі Марыю Іванаўну за яе працавітасьць, сьветлую душу і добры характар. Доўгі час яна працавала санітаркай ў лякарні, а затым пястункай у яслях-садзе.

    Пасьля выхаду на пэнсію - няньчыць унукаў, выгадоўвае гародніну, даглядае за скацінай. У Марыі Іванаўны вялікая сям’я: 14 дзяцей, 45 унукаў, 5 праўнукаў. Свайго мужа яна пахавала ў 1993 годзе. Вялікія і дужыя карані пусьціла дзяўчына з Беларусі на паўночнай зямлі, якая зрабілася яе другой радзімай. А жыве Марыя Іванаўна Папова ва Уалбінскім насьлезе Татцінскага вулусу Рэспублікі Саха (Якутыя).

    Літаратура:

*    Попова Мария Ивановна. // Большая семья. Матери-героини Республики Саха (Якутия). [Книга третья.]. Якутск. 1998. С. 27.

    Захарынія Сьвінтух,

    Койданава