Аляксей Іванавіч Гардзейка – нар.
у 1925 г. у в. Забалацьце Баранавіцкага павету (Powiat
baranowicki) Наваградзкага ваяводзтва (Województwo
Nowogródzkie) Польскай Рэспублікі (Rzeczpospolita
Polska) або “Ново-Мышского р-на Барановичской
обл. БССР” беларус, 8 кл,
пражываў у м. Баранавічы, вул Локаць № 9, бугальтар-рахункавод дэпо ст.
Баранавічы.
Пасьля выгнаньня Чырвонай
Арміяй Вэрмахту, Аляксей Гардзейка быў арыштаваны адпаведнымі ворганамі.
Выявілася што Аляксей Гардзейка жанаты, мае маці: Гардзейка Ганна Аляксееўна,
55 гадоў; сястру: Гардзейка Аўгіньню Іванаўну, 1927 г. н.; брата: Гардзейка
Мікалай Іванавіч, 1929 г. н., які служыць у СА на Сахаліне; брата: Гардзейка
Пятро Іванавіч, 1931 г. н., які служыць у СА у Маскоўскай акрузе.
Што ў 1942 годзе Аляксей
Гардзейка добраахвотна уступіў ў Саюз беларускай моладзі (СБМ), а да немцаў
зямельным фін. агентам ва ўправу: складаў сьпісы на сялянаў і здаваў іх ва ўправу дзеля спагнаньня падаткаў. Насіў форму СБМ, заклікаў уступаць у
Беларускую краёвую абарону (БКА), па ягоным даносе са сувязь з партызанамі былі
арыштаваныя СД у Забалацьці савецкія патрыёты, але хутка адпушчаныя.
16 кастрычніка 1946 г. ваенны трыбунал в/МУС па
Баранавіцкай вобласьці прыгаварыў яго па арт. 63-1, 76 КК БССР за удзел у
антысавецкай арганізацыі да 10 гадоў п/в ды 5 гадоў без п/п.
23 сьнежня 1952 г. Аляксей
Гардзейка з Асоблягу № 5, лягатраду № 7 быў накіраваны ў ссылку: ЯАССР
Аймяконскі р-н, п. Нэра, дзе працаваў токарам.
10 сакавіка 1956 г. Аляксей
Гардзейка быў вызвалены ад ссылкі, паводле Ўказу Прэзыдыюму Вярхоўнага Савету
СССР “Аб амністыі савецкіх грамадзянаў, якія супрацоўнічалі з акупантамі ў пэрыяд
Вялікай Айчыннай вайны 1941-1945 гг.” ад 17 верасьня 1955 году.
/Па матэрыялам картатэкі МУС РС(Я)./
Піліпіна Дэпавяк,
Койданава
Brak komentarzy:
Prześlij komentarz