У 1993 гаду ў аддзел МУС РС(Я)
па рэабілітацыі пазапраўна
рэпрэсаваных грамадзян з просьбай аб рэабілітацыі зьвярнулася грамадзянка
Беларусі [220114. Менск, пр. Ф. Скарыны, д. 133, кв. 47.] Жмаева
(у дзявоцтве Седалішчава) Лізавета Міхайлаўна.
У прыватнасьці яна пісала: “Мой бацька Седалішчаў Міхаіл Іванавіч жыў у сяле Нюрба Нюрбінскага раёну ЯАССР. У 1930 годзе ён быў рэпрэсаваны, а ўсю
маёмасьць і дом адабралі. Нас
выхоўваў адзін бацька, бо маці
памерла ў 1924 годзе. Мы з сястрой,
непаўналетнія дзеці, былі выкінутыя,
без сродкаў да існаваньня, на вуліцу і аддадзеныя чужым людзям”.
26 сакавіка
1993 года МУС РС(Я) дало
Лізавеце Жмаевай адказ, што дакумэнтаў аб Седалішчаве Міхаілу Іванавічу
ў архіве МУС РС(Я) не маецца,
але ў Цэнтральным Рэспубліканскім Архіве РС(Я)
маецца пратакол № 5 Паседжаньня камісіі па разбору
лішэнцаў пры Прэзыдыюме ЯЦВК ад 21 сакавіка 1931 года, дзе пад № 38 значыцца Седалішчаў
Міхаіл Іванавіч ураджэнец Качайскага
насьлега Мархінскага вулусу, які быў пазбаўлены
правоў насьлежным выбаркамам і адноўлены, як
няправільна пазбаўлены правоў служачы. У 1933 годзе Седалішчаў М. І.
праходзіць як пазбаўлены правоў
падрадчык, у свой час адноўлены, 21 сакавіка 1931 года, у правах: ф. 50, воп. 1, спр. 4253, арк. 42; воп. 6,
спр. 329, арк. 106, 154; спр. 330, арк. 40, 41 (адв).
У сьнежні 1997 году, каб зразумець гэтую гісторыю ад відавочцы, былў зьдзейсьнены візыт у Мінску па адрасу: вуліца Францыска Скарыны, дом 133, кватэра 47. Пасьля груканьня ў дзьверы, бо званка ня было, спалоханы мужчынскі голас праз зачыненыя дзьверы адразаў, што Жмаева тут ужо не пражывае. А дзе? - Невядома...
Альляханьня Вуляхан,
Койданава
Brak komentarzy:
Prześlij komentarz