ЎЎЎ Мосіка Шпала. БАМаўка Тамара Булкіна з Чачэрску ў Якуцку. Койданава. "Кальвіна". 2020.

    Тамара Булкіна – нар. у раённым цэнтры Чачэрск Гомельскай вобласьці Беларускай ССР (СССР).

    Пасьля заканчэньня Чачэрскай сярэдняй школы паступіла ў фінансава-эканамічны тэхнікум, затым у Беларускую дзяржаўную сельскагаспадарчую акадэмію ў Горках Магілёўскай вобласьці.

    У 1976 г. у складзе студэнцкага будаўнічага атраду пабывала на Далёкім Усходзе СССР, адкуль заехала да сваякоў у Якуцк, дзе яе уладкавалі бортправадніцай у Якуцкі авіяатрад, дзе яна ўжо ў 1978 г. зрабілася “Ударнікам камуністычнай працы”. Была камсамольскім актывістам.

    Аформіўшы пераводам вучобу ў Якуцкі дзяржаўны ўнівэрсытэт, Тамара Булкіна (Краснаярава) яго скончыла па спэцыяльнасьці “выкладчык геаграфіі”, а затым Санкт-Пецярбурскую акадэмію Грамадзянскай авіяцыі па спэцыяльнасьці “юрыспрудэнцыя” ды здала кандыдацкі мінімум.

    Узнагароджаная знакам “Вэтэран авіяцыі Якутыі” ды мэдалём “Вэтэран працы”.

    Літаратура:

*    Из бортпроводниц в адвокаты. // Васильев М. Е.  Королевы неба Якутии. События и люди. Якутск. 2014. С. 113-116.

    Мосіка Шпала,

    Койданава