ЎЎЎ Насрульлія Дойч. Дрэздэнец Ігар Кісялёў у Якутыі. Койданава. "Кальвіна". 2019.

    Ігар Мікалаевіч Кісялёў - нар. 10 студзеня 1968 г. у месьце Дрэздэн у Германскай Дэмакратычнай Рэспубліцы, ў сям’і савецкага вайскоўца.

    У 1985 г. скончыў сярэднюю школу № 2 у раённым месьце Дзяржынск Мінскай вобласьці БССР, пасьля чаго быў накіраваны па лініі райваенкамата на курсы аўтакранаўшчыкоў, якія скончыў у 1986 г.

    Пасьля нядоўгачасовага пэрыяду працы будаўніком у ПМК-190 у Дзяржынску, у лістападзе 1986 г. Дзяржынскім райваенкаматам быў пакліканы на вайсковую службу ў Савецкае Войска.

    Улічваючы пададзены ім рапарт аб накіраваньні яго ў склад абмежаванага кантынгенту савецкіх войскаў у Аўганістане, ён накіроўваецца ў навучальнае падразьдзяленьне па падрыхтоўцы малодшых камандзіраў у Кешынскі мотастралковы полк, што знаходзіўся ў месьце Ашхабад Туркмэнскай ССР, а ў траўні 1987 г. самалётам перакідаецца на тэрыторыю Аўганістана і залічаецца на пасаду кулямётчыка ў падразьдзяленьне выведкі 101 мотастралковага палку, які дыслакуецца на перавале Рабаці-Мірза ў правінцыі Герат.

    Пасьля дэмабілізацыі з войска, у студзені 1989 г. вярнуўся ў Дзяржынск, працаваў аўтакранаўшчыком у ПМК-190, выяжджаў на заробкі ў Якутыю, г. зв. шабашка.

    Потым зрабіўся індывідуальным прадпрымальнікам, выкарыстоўваючы аўтакран для выкананьня будаўнічых працаў.

    Жанаты, мае дваіх дзяцей. Пражывае ва ўласнай хаце ў горадзе Дзяржынску.

    Узнагароджаны: Ганаровай граматай Прэзыдыюма Вярхоўнага Савету СССР “Воіну-інтэрнацыяналісту”, шасьцю мэдалямі, у тым ліку мэдалём “За баявыя заслугі”.

    Літаратура:

*    Высоцкий Н. И.  Под небом Афгана, посвящается воинам- интернационалистам, уроженцам и жителям Дзержинского района Минской области. Дзержинск. 2013. С. 50./

    Насрульлія Дойч,

    Койданава